Nire Datuak

Eusko parlamentaria naiz, beti Eusko Alkartasunaren barruan, izan ere talde
politiko honen Antolakuntza idazkaria naiz. Egun, Eusko Jaurlaritzaren
bigarren lehendakariordea naiz baita ere. ...Gehiago.

Orrialdeak

Nire Datuak

Loturak

Eusko Alkartasuna
Galder Segurola
Gazte Abertzaleak

Administrazioa

Saioa hasi

Sindikazioa

RSS

Euskal ordezkaritza zabala joango da Estrasburgoko bilkurara, babes bila

20/10/2006

Euskal Herriko bake prozesua aztertuko duen bilkurara Jaurlaritzako eta terrorismoaren biktimen elkarteetako kideak ere joango dira.

“Pozik” agertu dira, Euskal Herriari “herri bezala” eta “hemengo bake-prozesuari” lekua egin zaiolako Europako eztabaidan. Larreinaren aburuz, bake-bidean EBk bultzada eman dezake. Europako erakundeen “esku hartzea” ezinbestekoa da EAko kidearentzat. Horregatik, bake-prozesua “babesteko” eskatu dio Europako Legebiltzarrari. “Demokrazia indartzea” Europako Batasunaren oinarrizko zeregina den heinean, Euskal Herrian ere bakea sustatzea eta gatazkaren konponbidean laguntzea erakunde horren betebeharra dela gaineratu du Larreinak.

Iruzkinak (0) 11:47 pm

OHD: “Europak euskal auzia eztabaidatzea gertaera historikoa da”

12/10/2006

Oinarrizko Hitzarmen Demokratikoaren (OHD) sinatzaileek “positibotzat” jo dute nazioarteko hainbat izen handik prozesua bultzatzeko onartutako adierazpena.

Oinarrizko Hitzarmen Demokratikoaren (OHD) sinatzaileek “oso positibotzat” eta “historikotzat” jo dute nazioarteko hainbat izen handik Euskal Herriko bake-prozesua bultzatzeko onartutako adierazpena.

EAk Gasteizen duen egoitzan eskainitako prentsaurrekoan, Rafa Larreina alderdi horretako buruzagia eta 50 eragile sindikal, politiko eta sozial biltzen dituen Mahaiaren kideak nazioarteko adituek sinatutako agiria txalotu du, eta Euskal Herriko errealitatea ondo islatu dutela nabarmendu. Testuaren edukiarekin bat egin du Larreinak, “euskal herritarrak gatazka konpontzeko hitza dutela dioen tesia babesten duelako”.

“Halaber, adierazpenak prozesu politiko batean gaudela nabarmentzen du eta konponbidea alderdien arteko konpromiso politikoen ondorioz adostutako akordio demokratiko batetik etorriko dela jasotzen du”, Larreinaren arabera.

Europako Parlamentuan urriaren 25ean izango den eztabaida “gertaera historikoa” dela uste du Larreinak, “prozesua eta Euskal Herriaren etorkizuna Europaren begiradapean jarriko direlako”.

Iruzkinak (0) 10:55 am

Rafa Larreina