Eusko parlamentaria naiz, beti Eusko Alkartasunaren barruan, izan ere talde
politiko honen Antolakuntza idazkaria naiz. Egun, Eusko Jaurlaritzaren
bigarren lehendakariordea naiz baita ere. ...Gehiago.
Artxiboa
- Abendua 2007
- Urria 2007
- Iraila 2007
- Ekaina 2007
- Maiatza 2007
- Martxoa 2007
- Otsaila 2007
- Abendua 2006
- Urria 2006
- Iraila 2006
- Ekaina 2006
- Maiatza 2006
- Apirila 2006
- Urtarrila 2006
- Abendua 2005
- Azaroa 2005
- Urria 2005
- Iraila 2005
- Abuztua 2005
- Ekaina 2005
- Maiatza 2005
- Apirila 2005
- Martxoa 2005
- Otsaila 2005
- Urtarrila 2005
- Abendua 2004
- Urria 2004
- Iraila 2004
- Abuztua 2004
- Uztaila 2004
- Ekaina 2004
- Maiatza 2004
- Apirila 2004
- Otsaila 2004
- Urtarrila 2004
- Azaroa 2003
- Urria 2003
- Iraila 2003
- Abuztua 2003
- Uztaila 2003
- Ekaina 2003
- Otsaila 2003
- Urtarrila 2003
- Abendua 2002
- Azaroa 2002
- Urria 2002
- Iraila 2002
- Abuztua 2002
- Uztaila 2002
- Ekaina 2002
- Iraila 2001
- Ekaina 2000
- Abendua 1999
- Uztaila 1999
- Apirila 1999
Orrialdeak
Loturak
Eusko AlkartasunaGalder Segurola
Gazte Abertzaleak
Administrazioa
Saioa hasi
Sindikazioa
16/09/2007
Hilaren 23an Portugaleten egingo duten Alkartasun Egunaren aurkezpena egin du Rafa Larreinak
Berria
Gasteiz
Euskal Herriaren independentzia «indarkeriarik gabe» baino ezingo dela lortu adierazi zuen Rafa Larreina Eusko Alkartasunako Antolakuntza idazkariak, atzo, Gasteizen. Irailaren 23an Portugaleten (Bizkaia) ospatzekoak diren Alkartasun Egunaren aurkezpenean egin zituen adierazpenak Larreinak.
Independentziazale gehienak indarkeriaren aurka daudela esan zuen EAko Antolakuntza idazkariak. Bere hitzetan, «gure helbururantz bide baketsu eta demokratikoen bidez aurrera egiteko oztopo nagusia» indarkeria da. Gainera, Batasuneko kide askok independentziaren alde bezala «giza eskubideen eta bakearen alde» ere egiten duela esan zuen Larreinak.
Alkartasun Eguneko ekitaldian EAren «proiektu politiko demokratikoa, independentziazalea, sozialdemokrata eta errepublikazalea» defendituko dutela esan zuen. Alderdiaren eguneko ekitaldi politikoan Begoña Errazti EAko presidentea eta Unai Ziarreta idazkari nagusia izango dira hizlariak.
IMAZ DELA ETA. Josu Jon Imazek EBBko lehendakariaren azken erabakiari buruz galdetu ziotelarik, EAJren barne egoerak Eusko Jaurlaritzako hirukoan eraginik ez duela izango erantzun zuen Larreinak, Ibarretxeren gobernuak «ideiak argi, hitzartutako gobernu egitasmoa eta hiru koaliziokideek finkatutako ibilbide orria dituelako». EAk transbertsalitatea defenditzen duela ere esan zuen, Eusko Jaurlaritza bera transbertsala dela argudiatuta.
Iruzkinak (0) 
1:35 pm
15/09/2007
2007/09/15 eitb24
Alkartasun Egunaren aurkezpenean, Rafa Larreina legebiltzarkideak esan du “indarkeria” dela, gaur gaurkoz, Euskal Herriak erabakitze eskubidea garatzeko duen “oztopo nagusia”.
Eusko Alkartasunak Portugaleten ospatuko du aurtengo Alkaratsun Eguna. Datorren igandean, irailaren 23an, izango da, eta Begoña Errazti presidentea nahiz Unai Ziarreta idazkari nagusia izango dira hizlari. Ondoren, herri bazkarian parte hartuko dute 2.000 lagunek.
Euskal Herriaren erabakitze eskubidea “ahalik eta lasterren” gauzatzeko proposamena izango da EAren Alkartasun Eguneko lelo nagusia.
Rafa Larreina EAko legebiltzarkideak esan du, gainera, “erradikaltasun demokratikoa” defendatuko duela Eusko Alkartasunak, “indarkeria mota guztien desagerpenaren eta eskubide guztien defentsa, alegia”. Izan ere, indarkeria da EAren iritziz, gaur gaurkoz, Euskal Herriak erabakitze eskubidea garatzeko duen “oztopo nagusia”.
Europa batuaren barruan, XXI. mendeko Euskal Herriaren independentzia ere aldarrikatuko du EAk Alkartasun Egunaren 22garren edizioan; izan ere, 22 urte betetzen ditu aurten alderdiak.
Iruzkinak (0) 8:10 pm
04/09/2007
EAren Antolaketa idazkariak esan duenez, “galdeketa egoteko eta indarkeria desagertzeko” lanean jarraituko du haren alderdiak.
Radio Euskadin egindako elkarrizketa batean adierazi duenez, “hipokresia handia dago, galdeketa egiteko oztopoa ez da indarkeria egotea edo ez, erreferenduma egiteko benetako asmoa dagoen baizik. Guk galdeketa egitearen eta indarkeria desagertzearen alde egingo dugu lan”, agertu du.
Herritarrei egingo zaien balizko galdera ere hizpide hartu du EAko buruzagiak. Haren ustez, alderdi politikoek adostu behar dute baina garrantzitsuena “kontzeptua” dela nabarmendu du, “hau da, euskal gizarteak erabakitzeko duen eskubidea”.
Josu Jon Imaz EAJren EBBko presidenteak azkenaldian hitzetik hortzera erabilitako “zeharkakotasuna” edo “Estatuarekin hitzarmena” berben inguruko iritzia eman du Larreinak. Esan duenez, “batzuetan hitz batzuen ostean ahultasun ideologikoa dago eta herritarren asmoak murrizten dira, beharbada nahi gabe”. Dena dela, berbok eragindako ika-mikak hirukoari minik egingo ez diola nabarmendu du. Izan ere, Jaurlaritzaren baitan “leialtasuna eta koherentzia daude”.
NaBai koalizioko kide da EA eta foru erkidegoko egoera “kezkaz” jarraitu duela adierazi du Larreinak. Horren ildoan, Jose Luis Rodriguez Zapaterok atzo esandakoak (”hasieratik” UPN Gobernua zuzentzearen aldekoa izan zela) aipatu ditu EAko buruzagiak. Haren esanetan, gobernuburuak “gizartea engainatu du, herritarren erabakia errespetatuko zuela esan baitzuen”.
Azkenik, Gipuzkoan ezarri beharreko Sozietateen gaineko Zerga %30koa izan behar duela uste du Larreinak, tasa horrek “egonkortasun handia” ekarriko baitu, haren hitzetan.
Iruzkinak (0) 3:55 am
Creative Commmons-ek obra hau babesten du.
Webgune oso hau software librearekin egina dago